MISTERI

NU BAKAL kaalaman dina mangsa ka hareup, eta mangrupa misteri atawa ghaib alias rusiah Gusti. Teu aya saurang oeg makhluk-Na nu apal. Mung Anjeunna nu uninga. detik, menit, jam, poe, minggu, bulan jeung taun nu bakal datang, sadayana ge rusiah. Misteri.

Jalma ngan saukur bisa usaha nyieun rencana (planning) nu sahade-hadena. Nyieun program atawa agenda nu saalus-alusna. Tapi, nu ngersakeun sareng henteuna mung Allah. Manusa boga rencana, Allah ge gaduh renca, rencana Allah nu bakal kajadian.

Diri kudu siap keur nyanghareupan dua hal dina mangsa nu bakal datag. Hal nu saluyu jeung rencana atawa program dunia atawa malaikat maut ngajemput. Nyabut roh kaluar tina jasad nya maot ngaranna. Kudu siap. Daek teu daek kudu siap jeung rido kana papasten Gusti.

Hirup kumelendang di alam marcapada ngan saukur darma wawayangan. Usik diusikeun, malik dimalikeun mung ku Allah nu ngawasa alam dunya. Hirup estuning ngan katitipan sadaya hal ti Allah. diri sasampiran awak sasampayan.

Masih dipaparin jatah yuswa, siap. Atuh tos dugi kana akhir umur, nepika kana titis tulis ti ajali. Nya dalah kumaha deui. Wayahna, kudu siap narima.

Nya ayeuna pisan. Waktu ieu pisan. Bisi ngan tinggal waktu ieu nu keur kaalaman. Kudu jadi poe panungtung nu aya dina kondisi hade. Poe nu dieusi ku katauhidan jeung amal soleh. Tauhid konci kasalametan di aherat. Amal soleh bekel jaga di aherat. Lain naon-naon, tapi amal soleh. jeung budak atawa kulawarga anu saroleh.

Komentar

Posting Komentar

Postingan populer dari blog ini

KAWIH UNDAK-USUK BASA Abdi mios, bapa angkat Abdi dongkap bapa sumping Abdi wangsul bapa mulih Abdi terang, bapa uninga Abdi neda, bapa tuang Abdi nyanggem, bapa nyarios Abdi nanya, bapa naros Abdi nguping, bapa ngadangu Abdi mondok, bapa kulem Abdi mandi, bapa siram Abdi ngabantun, bapa nyandak Abdi ningal, bapa ningali Abdi gaduh, bapa kagungan Abdi hoyong, bapa palay Abdi nyuhunkeun, bapa mundut Abdi sorangan, bapa nyalira Abdi isin, bapa lingsem Abdi diuk, bapa calik Abdi hilap, bapa lali Abdi udur, bapa teu damang Abdi panon, bapa soca Abdi irung, bapa pangambung Abdi biwir, bapa lambey Abdi halis, bapa kening Abdi letah, bapa ilat Abdi kelek, bapa ingkab Abdi heuay, bapa angob Abdi ceuli, bapa cepil Abdi beuheung, bapa tenggek Abdi pipi, bapa damis Abdi taktak, bapa taraju Abdi sirah, bapa mastaka Abdi gado, bapa angkeut Abdi leungeun, bapa panangan Abdi suku, bapa sampean Abdi ramo, bapa...
Baca selengkapnya

PERKARA BIANTARA

SACARA umum, dina prakna nepikeun biantara kudu nitenan sawatara hal ieu dihandap: 1. Parigel muka biantara, sing teges nepikeun jejer biantara. 2. Eces nepikeun eusi biantara, biasana mah direumbeuy ku babasan jeung paribasa. 3. Ngentep-seureuhna nyarita sing ngaruntuy. Ulah ka ditu ka dieu teu puguh. 4. Rengkak, pasemon jeung lentong nyarita. 5. Sorot panon diusahakeun sumebar ka pamiarsa. 6. Gaya basa kudu pikatajieun, biasana mah ku cara nyelapkeun banyol atawa humor. 7. Parigel dina nutup biantara, biasana mah sok dipungkas ku menta hampura bisi salila biantara aya kekecapan anu nyigeung ka pamiarsa. STRUKTUR BIANTARA 1.Salam bubuka 2. Bubuka 3. Runtuyan eusi 4. Panutup 5. Salam panutup PADIKA JEUNG GAYA BIANTARA 1. Dadakan (Impromptu) 2. Catetan Ringkes (Ektemporan) 3. Naskah (Manuskrip) 4. Talaran (Memoriter) 6 LAGAM DINA NEPIKEUN BIANTARA 1. Lagam Religius 2. Lagam Agiator 3. Lagam Konversasi 4. Lagam Didaktik 5. Lagam Sentimentil 6. Lagam ...
Baca selengkapnya

SISINDIRAN

SISINDIRAN Kalayar buah kalayar Lebet ka cabe mah henteu Lumayan tambi lumayan Lebet sae mah henteu Jeruk purut Cikaruncang Jambu aer Wanayasa Camerut hayang ka bujang Susu laer teu dirasa Cikaracak ninggang batu Laun-laun jadi legok Aya cak cak dina huntu Laun-laun di lebok Ecet-ecet oet- oet Barudak ngarurek belut Kapelet kuring kapelet Ku randa nu gede hitut Hayu batur urang ka Bandung Jalanna ka Giri Harja Hayu batur urang nyandung Urang nurutan aki Barja Ka Cibogo ka Ci Badak Meuli ragi di bendungan Ulah bobogohan jeung budak Mahugi peupeulendungan Hiji titik Dua koma Nyai cantik Akang nu boga Ninyuh ubar ku ci pati Diwadahan piring gelas Anu sabar eta pasti Ku Allah dipika welas Ngadodorong dorang jeung hayam Diparaban sampeu atah Wilujeng boboran siam Mugia wangsul fitah Boh bilih ngical kalapa Candakna nganggo carangka Boh bilih ka lindih murka Mugia kersa ngahampura Boh b...
Baca selengkapnya