SISINDIRAN

SISINDIRAN

Kalayar buah kalayar

Lebet ka cabe mah henteu

Lumayan tambi lumayan

Lebet sae mah henteu

Jeruk purut Cikaruncang

Jambu aer Wanayasa

Camerut hayang ka bujang

Susu laer teu dirasa

Cikaracak ninggang batu

Laun-laun jadi legok

Aya cak cak dina huntu

Laun-laun di lebok

Ecet-ecet oet- oet

Barudak ngarurek belut

Kapelet kuring kapelet

Ku randa nu gede hitut

Hayu batur urang ka Bandung

Jalanna ka Giri Harja

Hayu batur urang nyandung

Urang nurutan aki Barja

Ka Cibogo ka Ci Badak

Meuli ragi di bendungan

Ulah bobogohan jeung budak

Mahugi peupeulendungan

Hiji titik

Dua koma

Nyai cantik

Akang nu boga

Ninyuh ubar ku ci pati

Diwadahan piring gelas

Anu sabar eta pasti

Ku Allah dipika welas

Ngadodorong dorang jeung hayam

Diparaban sampeu atah

Wilujeng boboran siam

Mugia wangsul fitah

Boh bilih ngical kalapa

Candakna nganggo carangka

Boh bilih ka lindih murka

Mugia kersa ngahampura

Boh bilih ka Sukajadi

Ulah hilap meser roti

Boh bilih kalangsu dengki

Mugia kersa ngam’lumi

Barangbang dahan kalapa

Mulang dina jalan suni

Sanajan nu indung bapa

Omat ulah wani-wani

Daun salasih ngareluk

Diseumat ku awi beulah

Nu asih ka pada mahluk

Dirahmat ku Gusti Allah

Melak saledri sareng kangkung

Tangkalna dua ngahiji

Loba istri ditariung

Hanjakal teu bisa ngaji

Rincik cincang rincik rincang

Aya roda na tanjakan

Sidik pisan- sidik pisan

Nyai teh bogoh ka akang

Sora kongkorongok ngembat

Ciri hayam pelung sae

Masing bisa milih sobat

Tong galak jeung saha bae

Ka Banten nyandak batu

Nyandak bola ti Ciledug

Suanten nini meni kitu

Boa-boa nuang guludug

Meuli buku di toko Aneka

Meuli sapatu di Singaparna

Hayang lagu tapak-tapak cinta

Kanggo anjeun nu midua

Leuleumpangan meuli limun

Meulina ku teh fitri

Daripada urang ngalamun

Mendingan ka MTs. Al-Fithri

Beungeut sangar dagang kulit

Sirah jangar teu boga duit

Daun pandan tengahna beulah

Ceuk di Dadan ya sudahlah

Mun nyaba ka Cihanjuang

Kudu mawa lilisungan

Mun nyaah ka kota urang

Kudu miara lingkungan

Mawa hurang ka Pananjung

Meuli minyak dina botol

Kota urang bakal nanjung

Lamun rahayatna getol

Kaliki deukuet kihiang

Ka cai mawa boboko

Lalaki taya nu hayang

Eta pasti jalma jomlo

Aya katel meni loba

Paranti masak nyi iteung

Ieu pel lain narkoba

Tapi obat nyeri beuteung

Mawa angeun ti Ci Kuya

Mawa sendal ti Ci Kokol

Baju anjeun memang gaya

Hanjakal meuli ti cimol

Jalan-jalan ka kota Bandung

Teu poho meuli buah naga

Hayu urang rajin nabung

Pibekeleun poe jaga

Jalan- jalan ka kota Mekkah

Teu poho meuli buah naga

Hayu urang rajin ibadah

Pibekeleun asup ka surga

Ka kota ka Leuwi Panjang

Meuli peuyeum ti Pangkalan

Keur naon buuk panjang

Ari tara dikuramasan

Meuli suling ti Cipadung

Rek nembang di Pangalengan

Kota kuring kota Bandung

Kota kembang panineungan

Kacinta poe senen

Mawa impun dina korang

Orang kota harus keren

Meskipun tak punya uang

Ka Cirata mawa pacul

Balikna rek tumpak delman

Orang kota harus gaul

Tidak ketinggalan jaman

Iwung bungkulna maju

Nangka tangkalna dibabad

Indung tunggul rahayu

Bapa tangkal darajat

Jalan-jalan ka Cianjur

Nejek batu ngajelegur

Hanas meulibajigur

Diambeuan bau bujur

Ini lautan bukan kolam susu

Nini nundutan si aki nyonyoo bedil

Nu ngaliwet dina dalung

Disuluhan ku palapah

Saha nu resep tutulung

Meunang ganjaran ti Allah