ABAH SASTRA

LALAMPAHAN ABAH SASTRA

Ku Buta Calung:

Gampang naha sayah mah

LALAMPAHAN ABAH SASTRA

Barayana mang Yana

Mang Yana Majalaya

Lantaran barayana Abah Sastra aya maksad hajat

Hajat badag da nanggap wayang sagala

Ngaran baraya Abah Sastra Mang Carmana

Abah Sastra kapaksa ngala nangka ka Majalaya

Pada jam dalapan Salasa Abah Sastra angkat ka Majalaya

Angkatna kana kandaraan Avanza, wah rada gaya nya

Sabab aya tangkal nangka ngajajar dalapan tangkal na sawah saat

Abah Sastra mawa karanjang da nyangka nangkana arasak

Barang datang ka Majalaya Kasampak tangkal nangka araya

Da apan tangkal nangka mah tara ka mana-mana nya

Abah sastra gagancangan ngalacat hanjat kana tangkal nangka

Barang abah sastra hanjat ngagalacang kana dahan pangbadagna

Abah sastra ngabarakatak dan cacakakakan

Sabab aya haphap badag ngagarayam kana palangkakan

Abah Sastra ajrag-ajragan

Nya Abah Sastra ragrag ka handap kana sawah saat

Abah Sastra sangsara dan nalangsa na sawah saat

Rada lawas Abah Sastra sangsarana

Aya kana dalapan Ahadna

Abah Sastra alpa kana acara hajatna baraya Abah Sastra

Barayana pada tatanya

Ka mana Abah Sastra tak aya?

Nya baraya Abah Sastra angkat ka Majalaya

Kasampak Abah Sastra kaayaanana parah

Lantaran katalangsara na sawah saat

Gara-gara aya haphap kana palangkakan

Panyangkana haphap aya haphap badag na calana abah Sastra

Padahal mah taya haphap ngan aya kadal badag langgananan mamah

Baraya Abah Sastra nanya

Naha Abah Sastra ngala nangka ngagalacang kana tangkal nangka

Pan aya gantar ngarah gancang ngala nangka mah

Nya baraya Abah Sastra mawa Abah Sastra ka Rancabadak

Angkatna mapay-mapay sawah saat nya bras ka jalan aspal

Rada anggang da aya kana dalapan palna

Pas datang ka Rancabadak

Satpam nanya: wah gawat

Gancang bawa kana blangkar

Abah Sastra mapay-mapay gang na blangkar

Nya bras ka kamar  salapan

Rada lawas Abah Sastra ngarandapan panyawatna

Aya kana dalapan abadna

Barayana Abah Sastra  nyangka

Lalampahan Abah Sastra ngala nangka ka Majala dan tatamba ka Rancabadak bakal panjang

Salah

Lalampahan Abah Sastra ngala nangka ka Majalaya dan tatamba ka Rancabadak akan tamat

Da barayana Abah Sastra ngalayadna salah

Baraya Abah Sastra ngalayadna kalah ka mamar tujuh